40不惑紳士的品格

從來不睇電視，日，台，韓劇也不曾看過嘅我。終於俾一套紳士的品格打破。由於阿女開始返學，某一個晚上看到電視上正播放此韓劇，一係唔睇一睇好似著魔一樣。結果上PPS一睇由晚上11:00睇到第日8:00。同友人傾開，還被友人嘲諷我落伍，之後一連串其他韓劇推介，話呢套已經麻麻……下刪一百字。
對我來説一套講4個40歳的阿叔，哈哈，劇中的少男少女稱呼他們為大叔，一個一個事業有成但仍為感情煩惱而且滿有憧憬，浪漫到暈！呢d係現實生活中可能性極低嘅情節，只有係劇集裏發生！對於今年同樣踏入此年紀嘅我，一邊睇一邊想起某些事，中年危機都俏俏地過咗嘅我，確實地踏入人生另一個階段。
宜家先知邊個係張東健，佢又真係靚仔，(雖然我從來話自己唔鍾意靚仔，但係以往同我拍拖嘅又好似都係靚仔，嗱嗱嗱唔好跑出嚟認係我以前男友)佢出道時我仲讀緊書，大紅大紫時我先畢業。但有樣嘢我可以肯定我叻過佢，係佢個仔宜家先2歲,Tate  Tate7歲lu.